Forsíða
Loading...

Allir eru velkomnir í Spes Fjölskylduna

Þú getur breytt heiminum –  fyrir barn, sem á fárra kosta völ.

Þegar þú ákveður að taka þátt í starfi SPES, tekur þú að þér að styðja barn og gefa því framtíð. Hér fyrir neðan eru nokkrar algengar spurningar og svör við þeim. Hikaðu ekki við að senda okkur skilaboð á Facebook eða í tölvupósti.

Við erum ein stór fjölskylda. Velkomin í hópinn.

Hvernig get ég hjálpað?
  • Gerast styrktarforeldri. Full framfærsla kostar 80€ eða um 12.000 ISK á mánuði. Hálfur styrkur eða annað hlutfall miðast við þessa upphæð, en lágmarksstyrkur er 3.000 ISK. Til að koma í veg fyrir aukakostnað, er best að skrá þessa greiðslu sem reglulega greiðslu í heimabankanum. Styrktarforeldrar fá þá sendar fréttir og upplýsingar, eru boðaðir á aðalfund og aðrar samkomur ef haldnar eru og taka þátt í stjórnarkjöri.
  • Gerast styrktaraðili SPES. Fyrir 1000 ISK á mánuði eða meira að eigin vali.
  • Gefa frjálst framlag. Hægt er að gefa frjálst framlag og leggja inn á reikning samtakanna: 0342-26-2200, kennitala: 471100-2930.
  • Kynna SPES-samtökin fyrir vinum, vandamönnum og fyrirtækjum.

Sendu okkur línu á spes@spes.is til að vita meira!

Hvert renna peningarnir?

Allt fé sem SPES safnar og foreldrar leggja til rennur að fullu til barnaþorpanna í Tógó. SPES er hugsjónafélag og allt stjórnarstarf er unnið í sjálfboðavinnu. Skrifstofukostnaður er enginn og stjórnarmenn kosta allar ferðir til Tógó sjálfir. Allt fé sem berst rennur því beint til barnanna og til byggingarframkvæmda við heimilin.

Heimamenn í Tógó taka virkan þátt í stjórn SPES og halda utan um rekstur heimilanna í sjálfboðavinnu, en einungis starfsfólk á heimilunum fá greidd laun fyrir vinnu sína. Lögð er áhersla á að líf barnanna sé eins eðlilegt og kostur er og því er greitt fyrir leikskólapláss fyrir yngstu börnin og hin eldri ganga í almenna skóla í hverfinu. Þannig tengjast börnin betur umhverfi sínu og menningu og með styrkjum til skólanna njóta fleiri börn ávinnings af söfnunarstarfi SPES.

Af þeim 80 evrum sem franfærsla hvers barns kostar á mánuði, fara 10 evrur í sérstakan menntunarsjóð, sem er eins konar framtíðarsjóður. Er honum ætlað að kosta frekara nám, hvort heldur sem það er háskólanám eða iðnnám, og auðvelda þeim að hefja sjálfstætt líf.

 

Um Tógó

Tógó er smáríki í Vestur-Afríku, milli Ghana í vestri og Benín í austri, um það bil helmingi minna en Ísland með tæplega 8 milljón íbúa. Fyrrverandi frönsk nýlenda sem fékk sjálfstæði 1960. Stjórnskipan er lýðveldi með aðskilnaði framkvæmda- og löggjafarvalds. Forseti er þjóðkjörinn og myndar ríkisstjórn, en ráðherrar mega ekki sitja á þingi.

Helstu atvinnuvegir eru landbúnaður og námagröftur (fosfat, kalksteinn, marmari, salt). Fátækt er mikil en hefur aðeins minnkað á síðustu árum; meðalárstekjur samsvara 1.500 Bandaríkjadölum. Lífslíkur eru nú 65 ár, um 67% eru læs og skrifandi (15 ára og eldri).

Trúarbrögð eru hefðbundin náttúrutrú (50%), kristni (30%), islam (20%).

Þjóðin er friðsöm, vingjarnleg og gestrisin.

Almannaheillafélag og skattfrádráttur

SPES Alþjóðleg barnahjálp er nú skráð sem „almannaheillafélag með starfsemi yfir landamæri“. Styrktaraðilar, hvort sem þeir styrkja SPES beint eða eru styrktarforeldrar, geta því fengið skattfrádrátt vegna framlags síns til félagsins ef greiðslur eru samtals a.m.k.10.000 ISK yfir árið.

Upplýsingarnar frá styrktaraðilum eru sendar sjálfkrafa til skattstofunnar og koma sjáfkrafa fram á skattskýrsluna

Þú getur hvenær sem er gengið til liðs við SPES. Skráðu þig með því að hafa samband á Facebook, eða nýta þér skráningaformið hér á vefsíðunni eða senda mail á spes@spes.is

Styrktarforeldrar

Full framfærsla barns ásamt 10€ í menntunarsjóð er 80€ á mánuði eða jafnvirði í íslenskum krónum.

Gert er ráð fyrir að fólk ætli sér að styrkja barnið þar til það er að minnsta kosti 18 ára og hefur lokið starfsnámi eða námi á hærra skólastigi, þó eru börning aldrei lengur á framfæri SPES fjárhagslega en til 24 ára aldurs.. Með styrknum elur þú í raun önn fyrir barninu þínu og styrkir til menntunar og sjálfstæðis á fullorðins árum. Þú færð reglulega fréttir af barninu þínu, myndir og aðrar upplýsingar og getur ef þú vilt sent barninu kveðjur, gjafir og upplýsingar.

Það er hægt að taka þátt í framfærslu barns að hluta til og fá samt tengingu við ákveðið barn, myndir og aðrar upplýsingar. Sjá nánar undir „Styrkja SPES“

Sá sem bjargar einu barni bjargar mannkyninu. SPES þarf á þér að halda. Skráðu þig í dag.

Nýjustu fréttir

Matjurtagarðurinn í Kpalimé

3, febrúar, 2023|Slökkt á athugasemdum við Matjurtagarðurinn í Kpalimé

SPES International hefur styrktaraðila í fleiri löndum en á Íslandi, til dæmis í Frakklandi, Belgíu og Austurríki. Þökk sé SPES Austurríki sem sótti um styrk hjá skrifstofu Sameinaða Þjóðanna í Vínarborg, og fékk - var [...]

Styrkir til SPES veita skattaafslátt

1, febrúar, 2023|Slökkt á athugasemdum við Styrkir til SPES veita skattaafslátt

SPES Alþjóðleg barnahjálp er nú skráð sem „almannaheillafélag með starfsemi yfir landamæri“. Styrktaraðilar, hvort sem þeir styrkja SPES beint eða eru styrktarforeldrar, geta því fengið skattfrádrátt vegna framlags síns til félagsins frá og með nóvember [...]

Ný stjórn SPES og kynningarátak

31, ágúst, 2022|Slökkt á athugasemdum við Ný stjórn SPES og kynningarátak

Stjórn SPES kosin 22. maí 2022 SPES kynnir nýja stjórn, sem kosin var 2. maí 2022: Örn Ingibergsson, formaður Elisabet Sigurðardóttir, gjaldkeri Hrefna Hallgrímsdóttir, ritari Bera Þórisdóttir, meðstjórnandi Dominique Plédel Jónsson, meðstjórnandi Varamenn [...]

Reykjavíkurmaraþon 2021: Hlaupið fyrir SPES

20, maí, 2021|Slökkt á athugasemdum við Reykjavíkurmaraþon 2021: Hlaupið fyrir SPES

SPES á Íslandi fékk heldur betur góðar fréttir í dag sem við megum til með að deila með ykkur. Hún Halldóra N. Björnsdóttir íþróttafræðingur og morgunleikfimis útvarpskona með meiru hefur ákveðið að hlaupa fyrir okkur [...]

Andlát: Claude Gbedey

15, september, 2020|Slökkt á athugasemdum við Andlát: Claude Gbedey

Claude Gbedey lést 13.september 71 árs að aldri. Hann var heiðursvaraformaður SPES international og starfaði fyrir SPES allar götur frá upphafi. Lengst af sá hann um fjármálin í Tógó en í rauninni var hann aðalmaðurinn [...]

Eliza Reid er í hópi styrktarforeldra SPES

8, september, 2020|Slökkt á athugasemdum við Eliza Reid er í hópi styrktarforeldra SPES

Það gleður okkur mikið að Eliza Reid, forsetafrú, er styrktarforeldri hjá SPES Alþjóðlegri barnahjálp. Hún styrkir lítinn dreng á heimili SPES í Kpalimé í Togo. Eliza er velkunnug í Togo. Hún ferðaðist ein sem blaðamaður [...]

Go to Top