togo-bornStjórn Íslandsdeildar SPES boðar til aðalfundar, laugardaginn 14. apríl n.k. kl. 10:30 í safnaðarheimili Neskirkju í Reykjavík

Dagskrá

Fundur settur.

  1. Starfsemi Íslandsdeildar SPES – skýrsla stjórnar: Gísli Benediktsson, formaður.
  2. Umræður um skýrslu stjórnar.
  3. Reikningar deildarinnar kynntir og bornir upp til samþykktar: Bera Þórisdóttir, gjaldkeri.
  4. Kosningar: Kosning eins skoðunarmanns reikninga deildarinnar.
  5. Stofnun Minningarsjóðs Áslaugar Hafliðadóttur.
  6. Anna Svava Knútsdóttir og Ásta Briem segja frá dvöl sinni í Togo s.l. sumar og sýna myndir.
  7. Önnur mál.

8. Fundarslit.

Vonast er til að sem flestir geti komið.

Aðalfundur SPES árið 2011 haldinn í Neskirkju 26.2.2011 og hófst kl. 10:00.

Mættir eru 12 manns.

Eva María Gunnarsdóttir, varaformaður SPES setti fundinn og bauð fundarmenn velkomna. Hún stakk upp á Nirði P. Njarðvík sem fundarstjóra og var það samþykkt. 

Fundarstjóri tók við stjórn fundarins og tilkynnti um veikindi formannsins og bar henni kveðjur. Eftir að hafa skipað Lenu Magnúsdóttur sem fundarrita gekk hann til dagskrár.

Stjórn  Íslandsdeildar SPES boðar til aðalfundar kl. 10:00 laugardaginn  26. febrúar 2011 í  safnaðarheimili Neskirkju í Reykjavík.
Dagskrá fundarins er sem hér segir:

  1. Fundur settur
  2. Starfsemi Íslandsdeildar SPES - skýrsla stjórnar: Ólöf Nordal, formaður.
  3. Umræður um skýrslu stjórnar
  4. Reikningar félagsins kynntir og bornir upp til samþykktar: Bera Þórisdóttir , gjaldkeri.
  5. Kosning stjórnar: Formaður, varaformaður, gjaldkeri, ritari, meðstjórnandi
  6. Kosnir tveir skoðunarmenn reikninga.
  7. Sagt frá framvindu starfsins í Tógó.
  8. Önnur mál.
  9. Fundarslit.

Okkur þætti vænt um að sjá þig. 
Allir velkomnir.
Stjórnin.

Ísland styrkir skólabyggingar í Tógó.

Á árunum 2007 og 2009 misstu þúsundir fólks í norður Tógó heimili sín í miklum flóðum sem urðu í kjölfar gríðarlegra rigninga. Þá eyðilögðust, auk mikilvægra samgönguleiða, einnig yfir 900 skólastofur svo skólahald varð ákaflega erfitt og lagðist af í sumum héruðum.

Utanríkisráðherra Íslands, Ingibjörg Sólrún Gísladóttir, ákvað árið 2008 að styrkja uppbyggingu skóla á þessu svæði og veitti 80.000 EUR sem varið er til að byggja 2 miðskóla, í bænum Kri Kri í Tchambahéraði og bænum Kabré í Kpenjal héraði. Bygging þeirra stendur yfir og verða þeir teknir í notkun í haust (2010) . 

SPES hefur verið falið að hafa eftirlit og umsjón með þessum framkvæmdum og sinnir Claude Gbedey, kjörræðismaður Íslands í Tógó og varaformaður SPES alþjóðlegrar barnahjálpar þessu verkefni.

 

Skeljungur ehf styrkir SPES  

Í lok síðasta árs ákvað Skeljungur ehf að styrkja SPES alls um 1,5 miljónir ISK Þessum styrk verður varið til heilsugæslu í Tógó í tengslum við heimili SPES í Lomé og Kpalimé. Hefur einum úr hópi styrktarforeldra, Eyjólfi Guðmundssyni, heilsugæslulækni í Reykjavík og stjórnarmanni í SPES International verið falið að vera heilbrigðisstarfsfólki SPES til ráðgjafar.

Þessi styrkur er afar mikilvægur og við erum þakklát fyrir þann hlýhug og skilning sem Skeljungur sýnir starfi okkar fyrir börnin í Tógó. 

Aðrir styrktaraðilara SPES á Íslandi:

Baugur Group, Birtingaholt, Forsætisráðuneytið, Glitnir, Grandi hf, Kaupfélag Skagfirðinga, Kaupþing, Kiwanis á Íslandi, Landsbankinn, Landsvirkjun, Orkuveita Reykjavíkur, Osta og smjörsalan, Prentsmiðjan Oddi, Reykjaprent, Reykjavíkurborg, Samkaup, Seðlabanki Íslands, Síminn, Skeljungur, SPRON, Tryggingamiðstöðin, Þróunarsamvinnustofnun Íslands.